Viltu vinna dásamlegar snyrtivörur og heilsukaffi???

 
Þegar ég opnaði snappið mitt fyrir almenning þá var einn snappari sérstaklega duglegur að koma mér á kortið og hvetja mig til dáða. Ég var lengi búin að fylgjast með Töru Brekkan tara_makeupart og fannst mikið til hennar koma. Það er henni að þakka að þrátt fyrir mótbyr þá er ég enn að vinna að markmiðum mínum, það er henni að þakka að ég kann að mála mig meira en bara að meika mig og setja á mig maskara, það er henni að þakka ( eða að kenna, myndi síkáti kannski segja 😂 ) að ég á helling af flottu snyrtidóti og dóti sem ég áður vissi ekki einu sinni að væri til, og það er líka henni að þakka að ég er nú með þennan flotta leik í gangi. Tara snillingur með meiru, lét sér nefnilega ekki nægja að kenna okkur fullt af törutrixum og brjálæðislega flott make up lúkk heldur hóf hún framleiðslu á augnhárum sem eru að mínu mati þau allra flottustu og þægilegustu á markaðnum í dag. Hún hóf líka sölu á dásamlegum snyrtivörum og ekki nóg með að þær eru dásamlegar þá eru þær vandaðar og á viðráðanlegu verði sem er miklu meira en frábært í dag þar sem allt eða nánast allt er yfirleitt á svimandi háu verði. Þannig að nú gefst ykkur tækifæri á að eignast 4 hluti úr vefversluninni torutrix.is 🙂  Ég er svo heppin að eiga alveg eins vörur og fl til og ætla mér sannarlega að eignast fleiri, þannig að ég get vel mælt með vörunum. Fyrst ber að nefna Skinnycoffeeclub en það er einhverskonar heilsukaffi. 28 daga skammtur i pakkanum og ég er sjálf er á pk nr tvö. Kaffið er vatnslosandi, eykur löngun í neyslu á drykkjarvatni, og eykur brennslu. Eins eykur það úthald og orku. Ég elska að byrja daginn á Skinnycoffee og það þarf aðeins 1 tsk á móti hálfum líter af soðnu vatni. Vara nr 2 eru að sjálfsögðu törutrix augnhárin sem eru úr minki og bandið sem leggst næst augnhárunum er fislétt enda úr bómull. Ég valdi að gefa ein af mínum uppáhalds sem bera nafn í höfuðið á einni fallegustu leikkonu fyrr og síðar eða Audrey eins og Audrey Hepburn. Augnhárin er hægt að nota allt að 30 sinnum. Vara nr þrjú er hinn vinsæli glam förðunarsvampur og er hann sá allra besti sem ég hef prufað að öllum öðrum ólöstuðum. Vara nr fjögur er glimmeraugnskuggi ( einn af þessum sem hægt er að safna í pallettuna ) liturinn sem er á þessum sem ég er að gefa er gylltur og svakalega pigmentaður og smart. Síðasta varan sem ég er að gefa að þessu sinni er OBV Metallic Liquid lipstick creme. Í litnum Hot Flash sem er nokkurnvegin bronz rosegold…. æj… get bara ekki útskýrt litinn á prenti en fallegur er hann OMG! Tara er dásamleg manneskja, hrein og bein og gerir allt 100% og er vefverslunin hennar gott dæmi um það. Til að taka þátt í leiknum mínum þá þurfið þið að adda mér á snapchat elkalong og töru líka tara_makeupart, þið þurfið að skella like á facebook síðuna Elka Long (like síðan) ekki mín persónulega síða 🙂 þið þurfið einnig að deila þessari færslu á ykkar facebook síðu og gera deilinguna public og ekki skemmir fyrir að commenta afhverju þú átt skilið að vinna þennan pakka 🙂 Þið megið svo endilega skella einu like á Törutrix-Tara Brekkan facebook likesíðuna hennar Töru. Dregið verður í leiknum eftir nkl 10 daga eða fimmtudaginn 30 mars. Ást á ykkur öll. Elka Long.

Vinir mínir Kvíði, Gleði og Tilhlökkun.

Jæja elskurnar. Hér kemur mín fyrsta bloggfærsla bara svona til að koma mér aðeins af stað. Ég hef unun af fögrum húsakynnum og hef lengi átt mér þann draum að eignast mitt eigið húsnæði. Já! Ég er komin yfir fertugt og hef aldrei átt mitt eigið hýbýli. Ég er í leiguhúsnæði á Stokkseyri, nálægt mínum æskuslóðum en ég er uppalin á Eyrarbakka. Húsið sem við búum í er afskaplega fallegt, byggt 2007 að ég held og með stórum og miklum bílskúr. Lengi vel stóð til að kaupa þetta hús en það gekk ekki eftir og í stað þess keyptum við okkur lóð eða þ.e.a.s unnustinn keypti sér lóð hér í götunni sem við búum núna. Við viljum helst búa í sömu götu þar sem við eigum yndislega nágranna og vini í götunni. SG einingarhús mun sjá um að smíða fyrir okkur húsið en það verður ekki hægt að byrja á því fyrr en í vor og viti menn… þegar ég hélt að við gætum þá bara búið hérna áfram þangað til okkar hús yrði tilbúið að þá var húsið selt svo við þurfum að flytja enn eina ferðina. Já ég er alltof vön því að flytja og finnst það rosalega leiðinlegt, næstum því það leiðinlegasta sem ég geri. Pakka niður, koma dóti í geymslu þar sem við ætlum jú í mesta lagi að búa í nýja leiguhúsnæðinu í ár. En ég mikla þetta allt fyrir mér. Ég á nefnilega leiðinlegan vin sem öðru hvoru poppar upp og vill vera memm en sá vinur heitir kvíði. Óvinur segið þið kannski en ég kýs að kalla hann vin þar sem ég læri alltaf eitthvað nýtt af honum. Undanfarið hefur herra kvíði fyllt hausinn minn af hugsunum á borð við ; það er enginn bílskúr í húsinu sem þú ert að flytja í, þú þarft alltaf að skafa bílinn á morgnanna, hvar ætlarðu að fá geymslupláss undir dótið þitt?, Hvað ætlarðu að taka með þér í hitt húsið?, Hitt húsið er miklu minna, Hvað ef sjómenn fara í verkfall?, Og svo f.r.v. Ég er búin að mikla hlutina svo fyrir mér að ég pakka ekki í nema tvo kassa á dag. En… Þá kemur þetta stóra EN! Og um leið svarið við því afhverju ég kalla kvíðann vin minn. Ég hef nefnilega lært að kynnast honum og þess vegna lært af honum að þegar mér líður svona þá er bara eitt til ráða og það er að setjast niður og kortleggja kvíðann sinn, finna rótina. Ég komst að því að jú ég er kvíðinn fyrir að flytja af því að í húsinu sem ég bý í núna líður mér vel, af því að hér hef ég átt góða tíma og skapað mér góðar minningar eins og td skírn yngstu barnanna minna, heimkoma af fæðingardeildinni, heimkoma eftir skemmtilegar utanlandsferðir, afmæli, jól og fl og fl. Hvað er til ráða? Það er einfalt! Ég ætla að hugsa jákvætt, ég ætla að skapa mér skemmtilegar minningar þetta ár sem ég verð í hinu húsinu, ég ætla að fá hjálp við að skipuleggja mig og finna út hverju ég þarf að pakka í geymslu og hvað ég tek með mér, ég ætla að finna mér góða geymslu, ég ætla að setja minn svip á heimilið nýja því að hann er svo kósý, ég ætla að leyfa mér að hlakka til komandi tíma, Halloween partý, jólin, áramót, þorrablót, afmæli, húsasmíðar og allskonar, ég ætla að muna í hvert sinn er ég þarf að skafa af bílnum að við erum að fara að byggja hús með góðum bílskúr og umfram allt þá ætla ég að muna að allt þetta eru lúxusvandamál og ekkert til að kvarta yfir heldur eingöngu til að gleðjast yfir. Það eru spennandi tímar í kortunum mínum og herra kvíði er á leiðinni út frá mér. Hann stoppar stutt við í þetta skiptið blessaður þar sem ég á von á vinkonu minni gleðinni og systir hennar tilhlökkun og get ekki beðið eftir að njóta þess að hafa þær hjá mér í langan tíma í öðru húsi sem er minna en þetta en kósý og krúttlegt. Bless bless herra Kvíði og velkomnar Gleði og Tilhlökkun.    Ef þið viljið sjá meira að mér þá getið þið hitt mig á snapchat elkalong og instagram elkalong…. þar til næst ❤